સાર્વજનિક કોમર્સ કોલેજ ગોધરાના એનએસએસ વિભાગ દ્વારા ડો. સર્વપલ્લી રાધાકૃષ્ણનના જન્મદિવસ 5 સપ્ટેમ્બર ની આગલા દિવસે શિક્ષક દિનની કોલેજ ખાતે ઉજવણી કરવામાં આવી હતી જેમાં કુ. માનસી ખરાદી કે જેઓએ આચાર્યનો રોલ અદા કર્યો હતો અને અન્ય 11 વિદ્યાર્થીઓ ભાઈ બહેનોએ એક દિવસના શિક્ષક બની શિક્ષક બન્યાનું ગૌરવ મેળવ્યું હતું. અત્રે ઉલ્લેખનીય છે કે તમામ વિદ્યાર્થીઓએ જે તે વર્ગમાં શિક્ષણ આપ્યા બાદ સદાબા હોલમાં રાખેલ કાર્યક્રમમાં શિક્ષકમાંથી રાષ્ટ્રપતિ અને રાષ્ટ્રપતિ માંથી સદાય શિક્ષક રહેલા એવા ડો. સર્વપલ્લી રાધાકૃષ્ણનના જીવનના વિવિધ બનાવો સાથે તેમને યાદ કરી શિક્ષક દિનની ભવ્ય ઉજવણી કરી હતી. આ પ્રસંગે કોલેજના આચાર્યશ્રી દ્વારા ભાગ લેનાર દરેકને પ્રમાણપત્ર એનાયત કરવામાં આવ્યું હતું. સમગ્ર કાર્યક્રમનું આયોજન અને સંચાલન એનએસએસના પ્રોગ્રામ ઓફિસર ડો. અરુણસિંહ સોલંકી દ્વારા કરવામાં આવ્યું હતું.
