સાર્વજનિક કોમર્સ કોલેજ ગોધરાની એસ. આર .સી .(સ્ટુડન્ટ રીપ્રેઝન્ટેટીવ કમિટી )વર્ષ 2024-25 ની રચના કોલેજના ઇન્ચાર્જ પ્રિન્સિપાલ ડો. અરુણસિંહ સોલંકી ની અધ્યક્ષતામાં કોલેજના લાઇબ્રેરી હોલમાં યોજાઈ ગઈ જેમાં વર્ષ 2024- 25 માટે કોલેજના જી.એસ. તરીકે બીકોમ સેમ- 5 ના વિદ્યાર્થી ભવ્ય દિલીપકુમાર સેવકાણીને સર્વનુંમતે વરણી કરવામાં આવી હતી .
આ સાથે કોલેજના ડેપ્યુટી જી.એસ. તરીકે યસ ક્રિષ્નાની, એલ.આર. તરીકે કુ. અર્ચના મૂલચંદાણી તેમજ સ્પોર્ટ્સ સી. આર. તરીકે રવિન્દ્ર મછાર જ્યારે કલ્ચરલ સી.આર. તરીકે ભવ્ય દેવડા ની પણ વરણી કરવામાં આવી હતી.
પ્રારંભમાં કોલેજના પ્રિન્સિપાલ ડો. અરુણસિંહ સોલંકીએ જી.એસ. સહિત તમામ વિદ્યાર્થી પ્રતિનિધિઓને આવકાર્યા હતા, અને કોલેજ વિશેની માહિતી અને વિદ્યાર્થી પ્રતિનિધિ મંડળે વર્ષ દરમિયાન કયા કયા કાર્યો કેવી રીતે કરવા તે અંગેની ઝલક પૂરી પાડી હતી. વિદ્યાર્થી મંડળના વાઇસ પ્રેસિડેન્ટ ડો.સ્નેહાબેન વ્યાસ દ્વારા પણ વિદ્યાર્થીઓને ઉપયોગી માહિતી અને માર્ગદર્શન આપવામાં આવ્યું હતું.
સંસ્થાના પ્રમુખ શ્રી ગોપાલસિંહજી સોલંકી તથા સેક્રેટરી કુમારી કામિનીબેન સોલંકી એ જી એસ સહિત તમામ સભ્યોને શુભકામનાઓ પાઠવી છે .
અત્રે ઉલ્લેખનીય છે કે સાર્વજનિક કોમર્સ કોલેજ ગોધરામાં વિદ્યાર્થી પ્રતિનિધિ મંડળની રચના ઇલેક્શન દ્વારા નહીં પરંતુ સિલેક્શન પદ્ધતિ દ્વારા થાય છે જે નોંધપાત્ર છે.
